Një grua kolumbiane, nëna e së cilës u gjet duke lundruar në det nga peshkatarët pothuajse dy vjet pasi u zhduk, ka shpjeguar se si ndodhi.
Një grua kolumbiane, nëna e së cilës u gjet nga peshkatarët duke notuar në det pothuajse dy vjet pasi u zhduk, ka shpjeguar se si ndodhi.
Familja nuk e dinte se ku ishte Anjelica Gaitán që kur humbën kontaktet me të dy vjet më parë – deri të shtunën, kur dy peshkatarë e panë atë rreth dy kilometra larg brigjeve të Puerto Kolumbisë.
Pasi u shpëtua, Anjelica u tha mjekëve se kishte ikur nga dhuna në familje dhe që atëherë nuk kishte kontaktuar me ta. Në fund ajo u hodh në det sepse “nuk donte të vazhdonte” me një jetë të tillë.
Mendojmë se ndoshta i ka ndodhur diçka pasi është zhdukur dhe ka shkaktuar trauma psikologjike. Sa herë që shihte një makinë luksoze fillonte të bërtiste dhe thoshte se kanë ardhur ta marrin dhe nuk duhet ta lëmë të ulet në atë makinë.
Ajo mbulonte kokën dhe thoshte që burri i saj erdhi për të – tha Pola duke përshkruar gjendjen e nënës së saj para se ajo të zhdukej.
Videoja e shpëtimit tregon sesi peshkatari Rolando dhe shoku i tij Gustavo i afrohen gruas duke notuar në ujë me një varkë. Më pas me një litar të lidhur në brezin e shpëtimit që ia hodhën më herët, e tërheqin zvarrë në varkë dhe me shumë vështirësi e nxjerrin nga uji.
Siç raporton televizioni lokal “Libertad”, peshkatarët fillimisht menduan se një pemë po notonte në ujë, vetëm kur ajo ngriti duart e kuptuan se bëhej fjalë për një grua. Gjëja e parë që ajo arriti të thotë pasi u tërhoq zvarrë në anije ishte: “Unë kam lindur përsëri, Zoti nuk donte që unë të vdisja”.
Kur ajo u la në breg, banorët e zonës u kujdesën për të derisa mbërriti një ambulancë dhe e dërgoi në spital. Castiblanco dhe motra e saj po mbledhin para për ta çuar nënën e tyre në Bogota, ku ata jetojnë dhe shpresojnë se “familja do të kujdeset për të”.